فتش
فتش يا مصري فتش
ها تلاقي اسمك منقوش
ف الحجر من كام ألف سنة
شفتك يا مصري بصورة حلوة
وبدلة عسكرية وعزيمة قوية
شفتك وأنت واقف صاحي
واقف ع الحدود والأمل بادي
ومصر قوية عمالة تودي
توزع العطايا والخير تهدي
وتعطي أوامرها للدول تسمع
وتيجي تتشاور وهي ما تطمع
واللي ينوي ع الغدر تحته يولع
شماله ويمينه ما حد له يشفع
شايفك يا مصري ع المركب مسافر
رايح بلاد بمحاصيل بتاجر
هناك وجايب محاصيل تفاخر
مصر رايجة والخير مالوش آخر
شايفك يا مصري وانت بتبني
حضارة وتنقش العلم وتنمي
السلام والحرب مش بيها تبدي
اللي ها يغدر ها يالقى ما يبدي
ندمه طول عمره ومش ها يبقى
شايفك يا مصري بالخير بتبدي
لما الدنيا عطبت والأرض جدبت
والمطر ما نزل والزرعة ما طلعت
طعمت العالم ولا كلمة طلعت
الابتسامة جميلة على وشك انت