ولاد مصر اتجمعوا
أباهتهم ويلمعوا
الفكرة ويشرحوا
وبأفكارهم يبدعوا
ويبعدوا اللي يولعوا
اللي ناويين يرجعوا
مصر لعهود ويفرقوا
ولأباهتهم قرروا
يرسلوا رسالة يوضحوا
ويبينوا كمان ويشرحوا
إنهم مش راضيين لأمهم
وإن كل ما يهمهم
يشوفوا مصر أمهم
رايتها فوق ف السما
ومكانتها فوق العلا
الرسالة واضحة
وكلامها شارحة
ياللي انتوا أباهتنا
ياللي بتعملوا لمصلحتنا
ياللى همكم همنا
ياللي علمتونا بأدبكم
إن النصيحة منكم
علشان عاوزنا
أحسن منكم
طب والله وإحنا
عاوزنكم أعظم
آبهات ف دنيتنا
وعاوزين أمنا
أقوى أم ف الدنيا
ليه تتفرقوا
ليه ما تتوحدوا
والله حيرتونا
وحيرتوا قلوبنا
الزغننة
ليه ما تتوحدوا
ونصف المسافة تجمعوا
ابويا صاحب الدين
بتطلب الشرع العظيم
اطلبه بس باللين
وإنت ياللي خايف
باينه ليه خايف
وانت وهو عارف
إن حدانا تعابين
قاعدين متربصين
لما أمنا تقع
ساعتها يقلع
العدو وشه
ويشيلنا غلطه
سلمونا الراية عالية
وخلوا بلدنا أمة
قوية اكتر م الأول
فاكرين مينا الكبير
لما وحد العظيم
وطنا الكبير
وأحمس المتين
اللي طرد الملاعين
الهكسوس المغرورين
وصلاح الدين
هازم الصليبيين
وسيف الدين
مشرد المعتدين
التتار المتوحشين
وأنور المكير
ضحك على إسرائيل
وجاب النصر المبين
واللا أتعلموا منهم
من كبيرهم اللئيم
بنى وهمه الكبير
وحققه بعد سنين
هرتزل الفظيع
خطط لإسرائيل
قبل السنين بسنين
يالله اعملوا
زي أبهاتكم
وسلموا الرية
ف السما عالية
زي ما مينا
عمل ف الدنيا
ووراه احمس
وكمان رمسيس
وعمرو الأمين
وصلاح الدين
وكمان سيف الدين
وعرابي العظيم
وكامل الكبير
وزغلول الفصيح
ونجيب الصريح
وجمال الخطيب
وأنور الخطير
قال كلمة
وكانت عظمة
مش ها سلم الراية
إلا ف السما عالية
سلموها انتوا لينا
برضة ف السما عالية
