شوف يا إبني
أنا فهمك وانت فهمني
كنت صغير زيك
وعملت شقاوة زيك
وحركتي زي حركتك
انت فاكرني ما كنتش قدك
انت فاكرني ما عشتش عمرك
انت فاكرني اتولدت والدك
لا ده انا كنت اجري
أسابق الريح لما يعدي
واركب مراجيح لما تودي
ف السما العالية تعلي
وف الأرض الواطية تخطي
أشوف العربية أأقلدها
ماسك دريكسيون وأجري
ألفه يمين وأميل
وألفه شمال وأفول
واجري أجري أجري
بس الحق عمري ما مسكت
اخر العربية عشان شوفت
اللي عمل كده واتنبهت
قاعد ف المستشفى وسكت
لا يقدر يمشي أو ينط
أشوف الخيل أصهل
احرك ايدي زي إيديه
أشوف الحمار أاقلد
صوته يبص ويحرك
ودنه غضبان ولا يهمك
أشوف القطة أمسك
ديلها والفها أكتر
تلف هي وتخربش أكتر
أبكي أطلع غلطان م الأول
أشوف الفار احدف
وأجري عليه وأجدف
وأشوف الكلب اهوهو
ييجي علي يهوهو
أجري وأقول يا لهوي