ما تتهوروش

فيه ايه ماقلتهوش

 الدنيا بقت ماتنفعوش

 وجيبه اتخرم ما تلقوش

 له دولار عنه ما سمعتوش

 ابو علامة خضرة ماشفتوش 

ولا استرلينى ولا متونيش

 ين ياباني ولا يوان ما يعلوش

 زمان المصاري صاري ما قرتوش

 الجنيه عوموه وغرق ماطلعهوش

 اقروا الفاتحة على روحه وما تسموش

 قبل ما تعوموه علموه ما تنسوش

 جنهينا مش متختخ ما تنفخوش

 ولا له حيطه غيركو مايسندوش 

ولا طينه زرعه له ما تزرعوش

 ولا صنعة ولعة له ما تعلوش

 ولا تجارة شاطرة بيه ما تعدوش

 السما بين ايديكو بس ما تتاخروش 

ومصر ف عينكو ما تناموش

 وسواعدكو وياكم ما تنهبوش

 انهبوا م الزمن وقته ماتتاخروش

 ومن العلم معرفته ما تجهلوش

 ومن العمل قمته ماتتهوروش

 واتوحدوا كلكم واحد تتفرقوش