يالله نبيع الهرم
ونبيع كام تمثال محترم
تبقى رجل كبير مهم
تتكلم الكل ما يتكلم
تسكت الكل يتعلم
الأدب وتبقى محترم
تكبر تبقى معظم
سلام ياجدع للأهم
ادفع وأتبغدد واهتم
أتكلم في شئون الوطن
أتكلم في الشرع والدين
والسياسة والدستور والفن
أمال انت إيه؟ محترم
وإن ما عملتش
تبقى ما سوتش
مراتك تنكش
فيك الكرامة وتنعكش
هدوئك يامنيل هش
وإزعل وابقى ما تنش
الطير عن ...نش
عن الفلوس اللي بتبش
جارنا جاب زي الونش
عربية كبيرة زي القرش
والتاني ولاده ف مدرسة بالقرش
يرطمه الافرنكة ولو بالغش
وهم ف العلم متسألش
أقل منك ياللي ما بتفهمش
اسرق لك سريقة تبش
على أهلك تبق ما بتغش
وتبقى زعيم وطني بيرش
الخير ع المحروسة اللي ها تفش
وتمشى هربانة وما ترجعش