يمكن ما اعرفش
يمكن ما افهمش
لكن ما اتكلمش
يبقى ما تعرفش
ثرنا كتير
واتكلمنا كتير
وبرضه ما فيش تغيير
هناك كتبوا النهضة
ع الحجر مش بل ألم
كتبوه بالونش ع الحجر
وخله سد مهيب
عشان يمنع النيل
ويعطش بنت النيل
مصر يا عظيم
ويحقق حلم لئيم
تركع العرب
تركع أمهم
وتحقق حلمهم
م الفرات للنيل
قال اللئيم
لما وقف الزعيم
وقال قرار عظيم
القناة للمصريين
الفرحة ع الضفة
والموجة جت بلهفة
وها نبني سد عظيم
وقفت أمريكا
بفكرة غريبة
وقت السد ما ابتدا
عشان تركع مصر
تبني هناك سد
يمنع النيل يمد
وتمتنع البت م الحضن
حضن النيل بجد
وها نعمل بقى بجد
و لا ندعي زي ما سمعت
عمر بعت الجند
لبيزنطة عشان يسد
فجور وعدوان وظلم
عبد العزيز بجد
لما الديب مع الجدي
يرعى ولا يعتدي يمد
بوزه ينهش م اللحم
يا لا نعمل سد
م المل احنا نشتغل
وسيبنا م الحكم
ومعارض الحكم
هما شيلونا الهم
وفرحهم على قدهم
يلا يا بني نعمل
نشتغل ونكمل
ونبني هرم المجد
يخوف أي حد
يبص مش يسد
النيل ييجي يمد
ومصر تبقى بجد
لاولادها مش لحد
بيتاجر بأى حد
No comments:
Post a Comment