طوبة الثورة

        

انا طوبة الثورة

وشهرتي مالية الدنيا

ومعروفة ف كل قيديو

واسأل عني الثوار

انا كنت ف الميدان

وشالني م الشبان

كتير م الجدعان

ونشنوا ع الجبان

اللي ماسك الزنات

شافني وبالنشان

بس كان خيبان

شفت الدم سايل

ف الميدان

قلت ها انتقم

ولما اتشلت بعزم

واتحدفت بعيد عن القصد

بكل همة اتوجهت

وغيرت المسار وحددت

هدقي بكل دقة

وصبته بكل همه

دماغه نزفت دم

ورمى الفرفر وفر

مش مصدقني ياغر

روح للفيديو بص

تلاقيني ف كل لقطة

بعد كده ضربوا الوتد

اللي ربطوا بيه الخيم

وحطوني ع الستاير

علشان أمنع البوادر

الريح  اللي بتلم

أي حاجة وتطير الكل

وكمان حوطوني بالطوب

اخواني

عشان يولعوا للآكل

ويتجمع كل محبوب

آكلهم كان واحد

وهدفهم كان واحد

إن الريس يباعد

ولما اتنحى واتنازل

بقى يثبتوا الساري

بي عشان العلم

يرفرف ويعلى 

وغنوا بلادي

ولما يحبوا يشربوا

يجيبوا زير وغطا

ويحطوني فوق الغطا

علشان امنعه م الردى

من الريح المعدية

وصوروني كام صورة

وظهرت مسرورة

عشان كده أكيد

أنا قررت أكيد

إني أترشح أكيد 

للمجلس أترشح

عشان أوضح

إن الدور لسه

فيه كمان حتة

نعمل حبة وحبة

ولا نفتح البوق حبة

مصر ها تبقى جنة

واترسم بصورة حلوة

تحبني بنت سمرة

تحطني على قلبها

            

قم يا فتى النيل

                

قم يا فتى النيل وتنسم    

عطر حريتك والعبير

قم يا من لليل قد هزم

ظلام احتواه فهو طويل

قم يا من للعلوم قد علم

ورسم حقائق لن تحيد

قم يا من للعالم قد اطعم

وأزاح عنه هم كان كبير

قم وأعد مجدك قد لزم

لزمك أنت فأنت عظيم

شهد به حجر وقد علم

ناس كيف يقدرون بصير

وحكيت بطولة قد تعلم

واليك ينسب كل جليل

وحكايات الحب الأطهر

رويتها فأدهشت خلق كثير

واقتبسوها منك لعظم

الراوي والرواية لها تميل

قلوب السامعين فترسم

في القلوب ذكرى لن يزيل

أي حرف منها لأنه علم

أن القاص ذو أثر جليل

يا من بنى في كل شبر هرم

هل تعجز أن تعيد وطن

يبني المجد عالم ذو دين

ويعيد جادة كل من غنم

فرصة فمال لكل ذي ظلم

أنت حققت عدل من القدم

فلن تعجز أن تعيد ذا الزمن

دعك من حديث ومن جدل

فالجدل يبطل العلم والأمل

ويجد الجادون في طريق علم

أنه للعمل قد مهد وكذا أمل

هلا سلكناه وودعنا كل كَلَمِ

ومظاهرات عادت علينا بكَلِمِ

أمل العالم في أمك مصر

فلا تبيتن على ضرٍ مُصِر

تهينها وهي للدنى بدر

ومن ينير الليل المضمر

إذا غاب عن سماه بدر

                                   

لم تتغيري

                                               

تمر الأيام عليك

                    واتت في الكون زهرة الدنيا

الحدث يأتي إليك

                    فتخرجين منه قوية وعفية

الجدب يمر عليك

                   فيزيدك نضرة  سنية

وما زاد الخطب لديك

                    إلا طيب ومركز عليا

حفرت تاريخك بظفريك

                    فمن مثلك في الحق فتية

وحشية إذا أغتصب منك

                    تراب قمت وأقمت الدنيا

حتى يعود كل ثراك

                  تام لم ينقص شيئا هنياً

أمة العلم كان منك

                 ضياه أضاء الكون سنيا

عبدوا الواحد بأرضك

                 وقدسوا الدين وكان سويا

حرفوا ديانتهم سواك

                 وأنت صنت الدين عفيا

هلا نهلوا من نيلك

                وشربوا العلم حلوا وريا

إذا حدثتهم عن المهالك

                أعدائك دفنوا وصاروا فنيا

إذا حدثتهم عن زوارك

                كثر ملايين أتوك سعيا

وإذا طلبوا الجد زاورك

                ليتمثلوا نبراسا سويا

وإذا رموا فنا بديعا

               أتوا فدهشوا كلهم سويا

ذكرت في القرآن خمسا

              وكذا التوراة والإنجيل سويا               

فهل مثلك حف برعاية

               من رب البشر عدلا قويا 

                 

    

مصر تنادي عليكم

مصر تنادي عليكم

من منكم يلبي دعاها

قم وفتش في ثراها

وجد وأروي ترابها

بعرق جبين يراها

أحلى أمة في دناها

الكل راكع أمامها

لا لجمال بل لبهاها

هل سمعتم منيهواها

هل رأيتم من تمناها

مجد لا يمل ليراها

فوق السحب في علاها

تسابق الثريا في سماها

تغار الدنى وتهواها

المقرب من هواها

يبقى ذكرها لا ينساها

لربط قلبه بهواها

ومن أراد فناها

نسي وتوارى  عن دناه

هل حقا تهواها

قم واعمل لتراها

الدنيا كلها تهواه

وهي الأعلى في سماها

      

كلنا في الهم

 

كلنا في الهم سوى

اللي شايل همه

واللي حامل فكره

واللي ناسي أهله

واللي هجر وطنه

علشان ما يبقى ولا يدي

كلنا ف اللي جي

الأمل ولكنه ما جي

تسأل يقولك

اصبر شوية

شوية ورا شوية

العمر مشي وما جي

والغيطان بتسال

مين راح يحميني

الجشع حلف تغييري

الأسمنت لونه يفقع

والفقير راح يولع

ف نفسه وأهله ينفع

ده كلا م برضه نسمع

الأكل مش ها يكفي

الزيادة اللي بتجري

وانت علي عمال تبني

تضيع وطنك ووطني

علشان تبقى غني

واللحمة سعرها يغلى

وما تبقى حتة بلدي

والمصانع برضه بتسأل

مين راح يدور مكني

مين ها يعلي مدني

مين ها يخرج منها

دخان ده رمزي

ومصر شايفها ماشيه

قالت مفيش فايدة

اتملت ف كل حتة

زبالة من كل ناحية

والنيل ما جه يجري

أصله منعوه يروي

بنوا سد من عنده

منعوه عمال يبكي

ها تقدر نرجعه ونحمي

حق لك وولدي

مصر مش ها تطلب

الا انها تبعد وتبعد

زهقت من ولادها

اللي هم للفراعنة

احفاد لكن مش همه

كانوا ف الهمة أعلى

لازم تقوم وتدور

مكن وساقية تدور

علشان الكل يقدر

يعيش غني ومستور

غني لا مش مستور

لازم الفم يتقفل

نحط الطبة ونقفل

الإيد هي اللي تتكلم

تشتغل وكمان تعلم

الحجر إزاي يعلم

الحضارة تبقى أمل

المحتارة

 

لدنا ماشية محتارة

بتلف من حارة لحارة

والنور اللي طال يا خسارة

غطاه ليل حالك سواده

نوى إنه يمشي من نهاره

بيودع كل واحد

بيلف على كل غيط

بيقول ده الأخر

الوقت اللي اتهمل

وتقول بكرة عمل

وبكرة ها تحول الليل

اللي بقى واقف تقيل

الضلمة بقت حياتك

والأمل مشي من بابك

أصلك نسيت إيمانك

واشتغلت معاهم بالكلام

طب يالا إندم

يمكن يحن قلبك

يرجعلك تاني يومك

 شمر وكد واسعى

واعمل وابني وعلي

واملك بكره يعلى

لاجل اللي جي

طفل جميل زغنن

عينه تبص تفنن

وبنت جميله بقصه

حلمها تبقى قصة

عروسة جميلة وحلوة

لما الأمل يتزرع

لما الحلم يتحول

تبقى حقيقة تتكمل

ومثال بيها يتمثل

اللي ف السما يكبر

من زمان هي مصر

تؤي الغريب وتنور

تاخد العلم وتكبر

تحفر الخلد وتدبر

حالها علشان تكبر

ليه ياولاد نصغر

شأنها ونقول ونكرر

ذنبها انك بتنحدر

منها وعليها تتحسب

ذنبها إنك ولدها

مشيت على أرضها

شربت من ميتها

أكلت من خضرتها

ونقول تاني ونكرر

شعبها مش ها يتكرر

أمله يبني ويعمر

وقدام الجهل يتنور

والنور يبقى متكرر

يا لا الفم نسد

بالطعام وعن الكلام

لازم ينسد

زمان ما كان كلام

كان أحلام وأفعال

بقت حق مش أوهام

الزعيم

اتولد الزعيم وكان

زعيم مكان وزمان

أتولد زعيم المكان

وكان معاه الزمان

والعدو قال ما كان

ما كان أتولد ولا كان

رحلة بدأت مع الثوار

لما بدءوا كل الكلام

لازم نوقف الهزيان

ونرجع مصر للمكان

كانت مصر والمكان

نادى بأعلى مكان

وطني أكبر بيتحرر

وطني يصون ويعمر

ومباديء الثورة نزلت

والكل بيها يعمل

ومصر رجع الزمان

ليها وعلي المكان

وقال وقال جمال

والشعب له مال

قول وقول يا جمال

الشعب معاه كان

علي وزيد ف البنيان

بس لو سمعت للخلان

كانت مصر المكان