القط مشمش

عمو حنكش عنده مشمش

قطه الأصفر عمال ينكش

يجري يلعب يمسك يلطش

مشمش شقي بس مفرفش

يحب يلعب يجري ينعنش

يحب الحاجة ينط ما ينعكش

يبص للدبانة شعره ينفش

وديله يطخن ونابه يكشر

ويجري ينط تطير ما تطيرش

يوقع ع اللبن يبقى يفركش

ياخد علقة ويرجع مكرمش

يحب اللحمة بس ما ينتش

لما يدولوه ياكل ما يرمش

ويطير م الفرحة وهو منعنش

يلاقي الفرخة يرسم ويفرش

يجري عليها يوقع م المنور

الكل شاهد ويقول اتدهور

ومات وفارق لكنه مصور

يروح للدكور يديله بالحقنة

يبكي ويقول آخرة التهور

يعني يا مشمش ابقى اتصور

مكانك فين وفين تتمخطر

قطه مشمش يشوف النحلة

يجري عليها تلسعه في عينيه

تفضل وارمة ونونوته تعلى

آخرة الشقاوة لسعة بغباوة

يلعب يجري ورا القماشة

تترمي ف غسالة

يروح وراها

تدور وتلف ونواه يعلى

تشوفه الست تجففه بحرارة

يصرخ من جوفه ويقول يا خسارة

تعبت م الشقاوة ودي الأمارة

شاف الكرة جري وراها

نسي وعده الحياة عنده

جرية وبسمة ولعبة ونطة

الملايين فين ياعز

الملايين فين ياعز

قال مشيت ف عز الضهر

والحرامية مين ياعز

قال لهم شريف والخير بينز

والأمانة عهدي وديني

حتى اسألوا كل أخواني

ها تلاقوا شريف وغالي

وغيري هو اللي يهادي

سألوا عز عن الانتخابات

قال لهم التعلب فات فات

وابن الوز لازم يعلى

وابن الشعب م الاموات

سألوا عز عن الشهدا

اللي موتهم اهل العزوة

بلطجية بالحصنة هجموا

موتي واخلصي يا أمة

قال رحمتهم م الغلا

والعيشة والشقة الضيقة

يجمدوني لأني دخلتهم

الجنة يحسوا بالهنا

سألوا عز عن المجلس

قال المجلس كله يجلس

يقعد ويسبح باسم الريس

يكسب ملايين وبيها يتمريس

هل رأيت



هل رأيت

هل رأيت ذاك الجمال والسحر

أم أنك بحسه ابدآ لاتحس لا تشعر

هل خابرت البض وعاينت الشعر

 ورأيت كيف أن الجيد صنع من تبر

هل تعلمت السير لأول مرة على مهل

وهل علمت أن لهذا الخطو خلق اللحن

وهل عرفت كيف تبوح العين بالسر

وكيف تقبل الحبيب وتتمناه وله تنظر

وهل عرفت أن الجمال بعدها لا يذكر

هل سمعت همس الحديث كيف يكن

وهل تعلمت النظر إلى السماء والى البدر

وهل تعلمت كيف ترسل الرسائل بسحر

إلى النجوم بالليل حينما يحل السهر

وهل تعلمت كيف تبث النجوى للشجر

وتحمل الريح قبل من فمك والشعر

وهل تعلمت ما هو ظن الحبيب والفكر

كيف تحل شفرته لو فعلت هذا الأمر

لصرت مديرا لمخابرات حبيب العمر

وهل انتظرت حتى نقل كلمة على جمر

"أحبك" فخلتك أعظم من كل البشر

وأنك توجت ملكا وراعياك البشر

وأنت الأهم فى كونها ودونك همل

أقلت "أحبك" فردت بمثلها أو حسن

      

سألوا عز سؤال كبير



سألوا عز سؤال كبير

نيتك لمصر إيه يا أمير

تخليها ملكة وخيرها كتير

ولا بلاش قوالة وتفسير

قال نيتي تبقى قد الأمير

يحكم ويتحكم ويقرر المصير

وكمان الحديد يبقى كبير

يتباع زي الدهب بالقليل

وزنه مش بالطن لا ده كتير

بالجرام حديد واحد وعشرين

أو جرامه سبعة وتلاتين

وان كان متين يبقى اتنين وخمسين

وان كان ما يصديش يبقى استيل

ينضرب بي المثل للحديد أمير

وابقى شاهبندر وتاجر كبير

والحريم حوالي شمال ويمين

والكرة الأرضية مش قد الأمير

و ها أصدر الفكرة لأوروبا كتير

وأمريكا واستراليا واسيا كتير

وافريقيا تتعلم وليها المصير

طب والشعب فين من ده التقرير

الشعب ها أكله حديد ف حديد

اللي يعوض الحديد من دمه الفقير

وبيت للشباب أتبرع بالقليل

مليون جرام أو مليونين للصغيرين

والشعب فين من الحكاية يا أمير

ها أعلمه يبيع الحديد ويذيع

ويمشي تاجر خردة فظيع

أو يلم الحديد م الشارع تقطيع

او يسافر برة تاجر صريح

على حسابة بلاش توضيح

والشعب فين من الحكاية يا أمير

الشعب ها يعيش برضه راضي

أو ينتحر من قلة العيش والأراضي

أو يوافق ف الانتخابات راضي

شعبنا شعب مصر كله راضي

والأموات ف التربة بتراضي

الريس علشان ماتطلعش تهاتي 

تهتف للريس وأميرنا الغالي

والحزب الوطني يعلى ويراضي

الوزرا  والمحاسيب والشعب لاهي

اصلي نويت أبقى الوزير العالي

اللي ها يحكم مصر ولا يهمه اللي مش راضي

حزب هز يا وز

حزب هز يا وز


ده حزب جديد

كله فلوس وتنقيط

وحزب ها يرقص مصر

ويدخلها جوة العصر

ويعدي بيها كمان م الزنقة

ويخليها كمان الرايقة

ده حزب كله شفافية

ومفيش حاجة مدارية

غير الصدر والتانية

ده حزب كمان حبوب

وها يحوز كل القلوب

وحزب ها يلم الدولارات

وإسترليني وكل العمولات

اللي يدفع فلوس اكتر

ها تعلى مكانته اكتر

وحزب ها يرفع مصر

ويعدي بيها خط الفقر

ويرفع كمان الميزانية

ويخليها عالية وعالية

وريسة الحزب معروفة

عالمة وكمان مكشوفة

والشغل يتعب شوية

من نص الليل للصبحية

وحزبنا نسبته عالية

وها ناخد بيه الأغلبية

ونشكل الحكومة الجاية

والفساد في ستين داهية

احنا مش حرامية

شرفه وشرفنا غالي

وشغلنا معروف يا غالي

نقعد في البيت الصبحية

وبالليل الشغلة قوية

بنلم كتير م النقطة

دي حقيقة مش اونطة

وبطرس "1" أكل البطة

قال نستحق الصدقة

والتصويت عندنا بالهز

هز يمين يعني موافقة

هز اتنين يعني لأ

والحزب بيكم هايقوى

ودخوله مش بالعافية

وشروطه بسيطة وسهلة

تشتري البدلة والحاجة

بدلة ايه ياعنية

بدلة الرقص دا هي

والصاجان مش مغشوشة

وتديهم لزكية العامة

تعين بيهم واحدة نشطة

تلم النقطة والفكة

و لازم تتعلم الهز

هز يا وز هز يا وز

وحزبنا ها يرشح ريس

شريف ولا راجل بيهيس

عالمة ومصر ها تبقى عالمة

وصيتها يعلى ف الدنيا العالمة

سؤال ونفسي أسأله

سؤال ونفسي أسأله

سؤال ونفسي اقوله و اسأله

من شهور ونفسي أعرفه

يا مصر ليه الوساخة بانت

دلوقتي لما الناس اتحركت

لما الشعب قام وكلمته أتوحدت

لما صرخ وصرخته اتسمعت

للظلم انهار ودولته أتحطمت

يا مصر انت نضيفة والا اتبدلت

قولي لي أنا ايه اللي بهدلك

نزلت دمعة من عينيها متحضرة

قالت يبقى انت مش ابني انت منهم

قلت لا ولو كنت عاوز كنت بقيت منهم

قولي يا مصر ايه الدرن ده منهم

جنبك النيل والبحر شمالك وشرقك

ماتنزلي الميه وتنضفي نفسك

وروحي البيت تعملي عمرتك

ترجعي بيضا زي بداية خلقتك

نزلت من عينيها دامع تاني

وقالت ليه ترجع الأحزان من تاني

بص بابني وها قولك كلمة مضايقاني

كانوا ملبسني هدمة غامقة مكبراني

ما يبانش فيها وساخة ولا حاجة تاني

بوظوا كل حاجة حطموا احلامي

سرقوا كل حاجة كتروا أوهامي

التصريحات يقولوها والفساد قبالي

محو الكلمة والشفافية تردد في بالي

واحد يحترمني ويقطع حتة مني

والتاني عنده شفافية وبيلهف مني

والتالت مسئول يبقى صاحب تصنيع

 حديد واحتكار ويزيد الشعب تقطيع

والتالت يهدي اراضي  كتير بالمقاطيع

واحدة يابني عودوها على حاجة واحدة

علشان كده الوساخة بقت بالدنيا لازقة

ولما حصلت الثورة لبست توب ابيض

وويل قبل ما تتنضف تلبس توب ابيض

علشان كده الوساخة بانت  وبتتبيض

كانها وحش جامد ليها ألف ايد

بس الأيام الجاية ليها ألف عيد

ووطنية حلوة والفرحة هاتزيد

ِ

مش عاوزين حكومة ولا عاوزين جيش

مش عاوزين حكومة ولا عاوزين جيش


مش عاوز حكومة ولا عاوز جيش

وبادعي يخفوا شوية علشان أعيش

الحكومة مبدأها زيد الغم زيد التطفيش

والعادلي فاكره مشي !لا ما مشيش

ومبارك اتنحى لا قاعد ما مشيش

والحكومة مفترية وليها ألف شاويش

وجيشها قوي ومخابراتها كلها تطفيش

حكومتي اول ما ادخل هات يا تفتيش

وتطلع المعظمة جايباها غالية ما تقوليش

من اسرائيل أو أمريكا او دولة التطفيش

تبص ع البدلة تلاقي شعرة ما تبصليش

تحملق وتبص لو صفرا يا ليل ما تعديش

كنت ماشي مع شقرا أحسن مني ما فيش

أنا لي قرينة الحسن طبعا والله ماليش

ولو كانت الشعرا سودا ماشي مع سمرة

عاوز تبين نفسك أنت من الناس الأمرة

والدنيا طلباك يا عيني ع الراجل أما يعيش

كل الرجالة رمرامة أما تعجز تعمل حرة

علشان تبين لنفسها انها لسة عندها قوة

طب يا منيل روح ابني لك للآخرة تربة

علشان أجلك قرب ونلاقي لك متوى

وان بصت ف البدلة ولقيت ما فيش

تصرخ ماشي مع قارعة ع الكورنيش

مش قلت لك يا منيل مخك خلاص مفيش

والمهية أول ما أخش هات ما تقوليش

تطلعها وتعدها وبعدين اقول يا شاويش

اديني كام ملطوش علشان التهويش

مدير محترم مصاريفه مش بشويش

تبص لي بعينين حمرة وتقول لي يا ملطوش

خد لك كام جنيه وخد دول لك بقشيش

تمشي تكلم نفسك وتقلب الجيب مفيش

علشان كده ان شفت قمر ف الشارع ما ليش

ف الحب ولا النظر أصل الايد قصيرة ما تديش

وان شفت واحدة القلب يكره ما يخبيش

مش زي صاحبنا اللي حكى وزيه ما فيش

غدنفر يخش البيت حكومته تجري له ما تمشيش

تقعده وتقلعه الشراب وتلبسه هندام من ريش

وتحط رجله ف المية ودلعه زي أبو الريش

والأكل قوام يجيله والولاد بعيد ما تجيش

لغاية أما يفول التنك ويبقى الطراطيش

رحت أزوره ف البيت من غير تفتيش

ولا نية لكن أشوف الغدنفر اللي منه ما فيش

ينضرب بيه المثل ف الشنابات عليها تعيش

صقور العالم كلها والخوف ما يجيش

ف قلبه وقلب الحريم يسكن ويعيش

ولما وصلت للباب سمعت يا منيل ما تمشيش

ايه اللي معاك وخبط وضرب ما تقوليش

قلت أيوه الأفندي بيعلمها الأدب وعليه بقشيش

لكن بعد شوية لقيت حس واطي ما يسمعنيش

ركزت ودني والفرح بيرقص بطل هايعيش

لقيته خارج بيجرجر رجله وف وشه خرابيش

وشنابه المبرومة مدلدلة زي ودان الحرافيش

الأرانب البلدي لما تجوع أو بالخوف تعيش

وطوله المنصوب محني كأنه مش ها يعيش

أول ما شافني بكى وحضني قلت له ماتبكيش

يا غدنفر ياه!!!!يا بكاي أنا على حكومة ما تبكيش

علشان كده أنا باكره الحكومة ووياها الجيش

أما جيشنا ابو المدافع صاحب النصر الكبير

وفرحة الشعب لما حماه من ضرب البراطيش

اللي حما مصر من اسرائيل وحماها من الملاعين

اللي نهبوها الهي يمحيهم أجمعين

ويعلي جيشنا يحمي مصر الملايين

ما هم رافعين راسنا وحراسنا المغاوير

وحامي العرب بإذن المولى رب العالمين

قالها الرسول الكريم من مئات السنين