تعالوا نحسبها
وكمان نجملها
اللي ناولي لها
يبقى ولدها
واللي عاوزها
عشان يغشها
يبعد عنا وعنها
هي حياتنا
ونور عيونا
اوعوا تضيعوها
تضيعوا معاها
وحافظوا ع نيلها
واوعوا من غيرها
اللي غاوي سياسة
ما يبقى منا
ماله ومالنا
زهقنا وكرهنا
لا عاوزين كرسي
ولا مجلس يقنن
وكمان يتفنن
بلاش نكمل
وبلاش سياسة
وصلي ع الهمام
نبينا تمام
ويالله يافلان
ايدينا م بعض
نخضر الارض
ونخلي مصر
عروس الشرق
يالله ياشوق
جهزي اللفة
فيها جبنة
وحتة خيارة
وهو من غيطه
ياكل خضاره
والمغربية ف العشية
رز ف صينية
وفرخة ربتها
والعشا يصلوها
والبيت يسكت
منور بأهله
ولادهم شاطرين
كتابه حافظين
دكاترة ومهندسين
علما ومحاسبين
بلاش سياسة
تعبنا وزهقنا
