مصر بتلف ع الغيطان
ع الزرع للي راح من زمان
لما قام الفلاح يزرع مباني
مش زرعة ده طوبة وأحجار
حول الغيط لبيت وسكان
حول الخضرة لأصفر الألوان
وغير كل حاجة وغير الزمان
مصر بتبكي ع اللي كان
ها تخلوها تشحت اللقمة ياجدعان
مصر بتنادي كفاية والله حرام
كل الخضر ها تدمروه ده كلام
ده العدا لما دخلوها حولوها لاحلام
زرع الانجليز فايد حولوها لغيطان
وجناين فاكهة وزرع أخضر يا سلام
وما حولوش لامتار من قدان
ولما احتلوا اليهود زرعوها كمان
مش كلها لكن لو طال بيهم الزمان
لبقت سينا خضرة ولا في الاحلام
واتت ياللي ابنها مش عارف حقها
مش عارف ان البنا ع الغيطان حرام
ولو جامع بمدنة يدن فيه الادان
مش عارف انك بتنهي على عمرها
يتخنقها لما تكتم انفها
لما تجتث رئتها وتبني أرضها
عندك الصحرا روح وعمر
ابني فيها زي ما أنت عاوز
بس ما تجيش ع الغيط وتجاوز
حقك وحق ولادك وتدمر
حاجة مصر بيها بتفخر
دي ارضها الغالية ف الدنيا
مش شعار اسأل كل الدنيا
ها يقولوا لو عندنا أرض زيها
لبقت بلدنا جنة ولا زيها
No comments:
Post a Comment