لما حان الموعد
لما حان العهد
لما طار وحلق
والعيون بتبحلق
والعقل مش مصدق
والعقول بتحلق
مع الطيران وتصدق
والصيحا دوت
مع أول طلقة دوت
الميعاد مش هو
الميعاد ضد فكرة
بس دي م الخدعة
الحرب كلها مرة
واللي خططها
كان دارسها
كله بقى بالعلم
والخطة محفوظة
والحرب مدروسة
والخطة موضوعة
والخدعة موجودة
واللي حابكها
كان أنورها
هايخطب في أممها
يومين اتنين بعدها
واللي ها يسافروا
م الجيش ويزورا
الكعبة والنبي
ف الحج والعمرة
طلعت الأسامي
ف الجريدة الصباحي
والدوري من تاني
رجع طوالي
ووزير الخارجية
هايسافر برة
ورئيس الطيران
هايزور ليبيا
ف يوم حربها
والولاد بتلعب
بتمص القصب
لكن ساعتها
النسر حلق
طار ف السما
المارد انطلق
مين يوقفه
مين يرجعه
الله أكبر
قوته أكبر
والنصر كبر
بعون ربنا
