نشج نششجي حلق شنبه

نشج نششجي حلق شنبه

الكل شافه الكل حسده

ع الحكومة حلم ما حلم به

كوش ع الأرض وعلى كله

وحرس ولد الريس حرس كله

اداله كل حاجة واللي عاوزه

خلاه مليونير قد حلمه

ولو بقى ثانية حكم بأمره

فصل المجلس فصله على قده

واداله بيمينه ولا حد منعه

ويفسم انه شريف ولا حد زيه

نشج نششجي حلق شتبه

وعمر افندي شوفوا اللي عمله

باعه هادي وقال لازم نزله

الكل بكى وحط ايده على خده

لازم تبيعه  .. مصر تبيعوا كله

وليه البيع وبلاش تهدوا

الزعيم زمان أمم علشان نعده

م الأبطال..  شغله وشقه على قده

والشاب ماشي باصص على همه

نشج نششجي حلق شتبه

خرج شريف قال مش تمنه

رموه ورا الشمس والناس تندهله

واللي باع المصنع الناس تكبر له

نشج نششجي حلق شتبه

الحرامية ف كل ناحية موجودة

خدوا مليارات من خزنة منهوبة

ومصرنا يا اخونا قولوا توبة

اللي بيسرق قال حلال ومحسوبة

ولو الآخرة قامت الجنة لي محسوبة

بنيت فيها شاليه طوبة طوبة

وماريا وجولييت حظيتين محسوبة

قصورهم ع النيل موجودة

واللي عز الحديد في عزة وخطوبة

وفرض سعره ولا حد يقوله ف عزومة

خفف شوية الشعب مش لاقي طوبة

يا مهندس يا عزيز المحروسة

انت اللي بتحكم وانت الحكومة

والمجلس أممته للبلطجية المحروسة

علشان الزغنن يكبر ويبقى لهلوبة

ف النهب ديشلوينير دي محسوبة

انت الحاكم بامرك والشعب فرحته معلومة

هاوزع العيش بالخردة مالهاش لزومة

واكله فراخ نتنة ما هو بطنه تهضم الكوتة

والفلوس تجيلي تتحايل علي مغلوبة

نشج نششجي حلق شتبه

انا بكيت والدمعة مكلومة

نازلة وياها الآه مكتومة

ياخد الطغاة وعلى جهنم مختومة

قفاهم دول اللي سرقوا المحروسة

 Honest FaceEvery WordCircle of Friends Cookbook 25 Slow Cooker Recipes: Exclusive online cookbookNike Men's Performance Crew Socks 6 Pack - Shoe Size: 8-12 BlackKindle Wireless Reading Device, Wi-Fi, Graphite, 6" Display with New E Ink Pearl Technology

لما تعدي

 Search Amazon.com for

 لما تعدي على أرض خضره

لما تشوف فيها النضرة

والضحكة فيها رايقة

والبسمة فيها باينة

والدين عالية رايته

لما تلاقي كلمة واحدة

وأمة تشوفها واحدة

وشعب على قد كلمته

لما تلاقي الفتوة حضرة

في شباب عاوزينها حرة

والبنات سمرة وحلوة

تساعد ف البنا صابرة

والولاد ف حضن أمة

لما تسمع أنا فدائي

لما تشوف العرق جاري

والدم يروي الأراضي

علشان يبعد الأعادي

يبقى دي أم الدنيا مصر 

مصر قومي جمعي كلمتك

مصر قومي رجعي همتك

مصر قومي وحدي ولادك

 مصر قومي سطري التاريخ

قولي للدنيا اني مش راح أشيخ

علمي العالم المجد ازاي يعيد

ولادك أهم شمروا سواعد حديد

ولادك أهم عهدوك عهد أكيد

 ولادك أهم قالوا ها نبني ونعيد

الوطن اللي أتنسى وانزاح بعيد

ها يدوروا المكن والإنتاج يزيد

والأرض تلبس اخضر جديد

والفرح يبان على وشوش تعيد

ها يخلوا فيكي كل يوم عيد

مش حفلة زي عمل البعيد

لا ده مكن وانتاج يزيد

وعلم بيشع نوره بعيد

وشورى تنور للناس الطريق

وتقف قدام العدا مارد شديد

وايدين تتمد للضعيف الشريد

مصر بتاريخها أمان للشريد

أتتني

أتتني ليلى وقالت أتحبني

أتحب ان ترى ما أستر وتعرف

 أتحب أن ترى الجمال بلا ستر

اتحب أن يكون الجمال مقرب

أتحب أن تعشقني بالليل وتقربني

ولكن قبل ذلك قم منتحبا

عجا بصوتك وثجا بزحام ملتهب

أن يغير الظلم ويرحل مرتعبا

ولا ترحل أنت فالرحيل لمن نهب

وباع البلاد بالطول لمن قرب

وباع الأرض بالبخس لذي حسب

من أهل الفساد فمن يوقف النهب

أتت غربان الظلم تقتل الفرح

تريد محوه ووأد الثورة والصرح   

يسقط الظلم وقد طال الحد

انسحبت الشرطة لما رأت الشعب

يصرخ من جوع من ظلم بلا رهب

اسجنونا كما كبلتم غزة بالسور والسد

اسجنونا في سجن كبير نلتم المجد

فرت الشرطة كجرذ فر من قط

ونصل وما للشعب لا نصل أو حد

ولكنه الفقر الذي جاوز الحد

واستهزاء حاكم وحزب نهب

مصر حولها من غنى إلى خرب

قف هناك وسأنتظرك حتى نجد

حلا ونجاة من ظلم جاوز الحد 

زمان كنت بعيش

زمان كنت بعيش زمان

لوحدي أرفرف ع الأغصان

ولا بهمني سمعني انسان أو حيوان

ولا يهمني غيري فرحان أو زعلان

بغني ولا يهمني فيها ايه الأيام

كنت باعيش عشان أصحى وأنام

ولما لقيت الفساد عمى الأبصار

ومصر عجزت ودخلت دكان

تطلب كفن أبيض قبل الأوان

وحانوتي ما دفنش أي انسان

ومقرىء ما قراش ف الأحزان

وندابة ما نكشتش شعرها ع الإنسان 

مصر عجزت وراحت مع الأحلام

مصر بتدور على خشبة للأموات

تتحمل فيها لمقبرة بعيدة عن الحياة

بعيدة مكانها ما يعرفوش انسان

واللي عاوزين يودوها ورا القضبان

واللي عاوزين يدوقوها الحرمان

ابوها النيل حبسه الأفارقه من أيام

واسرائيل واقفة تستنى تبان الأحلام

من النيل للفرات حلمها من زمان

واحنا لازم ننام ف الميدان

ولا يهمنا النيل ولا مصنع ولا ولدان

ولا حتى صغير ما يعرف الأحزان

مصر اختارت تموت قبل الاوان

قبل ما تبقى مأسورة مع الجواري

يحرحروها ف القصور مع الغواني

او تموت من الجوع أو العطش يا جدعان

او تنتحر ترمي نفسها ف البحر كمان

أو النيل اللي شاف الويل دلوقتي وزمان

زمان البطجية عاوزينه ترعم تمام

يقيموا عليه فندق وجزاير للسيياح

علشان يستحموا والكل يبقى مباح 

مصر ها تمشي الحقوها يا شبان

Blogger Buzz: Show off your Followers

Blogger Buzz: Show off your Followers

يا مصر غني

يا مصر لازم تغني

ورايتك لازم  تعلي

والسواد عنك يولي

وتوب الفرح توري

كل الناس انك تملي

عظيمة وخيرك مايمشي

نيلك أهه جاي يجري

ينادي عليكي يقول يا بنتي

عملتي ايه مع اللي ها يبعدوني

عاوزين يحرموني منك ويقطعوني

يا أولاد مصر يا أحرار تملي

يا للي وريتوا العالم إزاي يعلي

الحق ويودي الظالم زي ما يودي

اتوحدوا وشوفوا اللي بيحرى

لو ما رجعتوا النيل تاني يجري

الزرع اهه علي بينده

والعصافير ع الشجر لي تغني

والوحيدين احنا اللي ما نسمع

عاوزين تعملوا زي الأفندي

تحولوه لترعة ما هو ولى

وشعب مصر يشرب ولا يوعى

ما هم كتير وكترهم عيبة

والزيادة قالوا بتاكل تملي

التنمية والدخل ع القد يعني

الشعب ده ماله عوايد

يا اللي صدقناك وحلفنا لك

كنت بطل في عنينا تملي

كنت بتفول كلام وتخبي

تاخد فلوسنا علشان تعلي

رصيدك ف البنوك والشعب تودي

في مجاعة في أسفل الأمم وترمي

 من قيمة أمنا اللي هي أعلى

يا مصر قومي وربك وحدي

واغسلي توبك من الدرن نضفي

دي الوساخة لو كانت لأمة تانية

لبركت على ركبتها وراحت ف توكة

والله يا مصر هامتك عالية

ولا يهمك اللي عمله الأفندية

لصوص المليارات ما لهمش ذمة

وعددهم ف الوطن ما لهمش لازمة

اللي بيكنس ف الشرع وطني

واخلاصه واضح واسأل الوطني

اللي ضيع الشعب وضيع وطني

ربنا اللي حماه وهو الحارس

انقذه من براثين حكم مارس

كل أنواع الظلم وما كانش دارس

ان الرب شايف وهو جالس

ع العرش عارف ايه اللي حاصل

سبحانه انقذك من الظالم

أكيد عمل عمايل  وعمايل

بين المولى وبينه مصايب

خلت المولى يولي عنه الحبايب

علشان يوريه انه قادر

سبحانه ولا غيره قادر

يا مصر يالله روحي ع المساجد

وحدي ريك وكوني مع الساجد

ولما الكتايس بالأجراس ترن

اجري واسمعي كل المواعظ

يا مسلم يا قبطي كلنا واحد

في وطنا وهمنا برضه واحد

لو رفعت مدفع في وشك

وانت رضيت علي ولا همك

والعدو ينفخ ف النار تولع

ها يحطنا وفي الترب كلنا يجمع

في الحرب اليهود لما ضربوا القنابل

قالوا ده مسلم هاتوا المسيحي

ولا ابعدوها شوية وخلوا المسيحي

كانت الدانة تنزل وتودي

ف المقابر محمد جنب صبحي

واحمد جنب جورج فرق يا افندي

دافعوا عن الوطن بقلب واحد

يا مصر لازم توحدي المشاعر

وتنوري في الشوارع المشاعل

وتوري العالم العلم كله

خيرك ع الكل كان مغطي

تسيوا يوسف لما جالك

اكل العالم والكل جالك

وانجلترا لما غزت الممالك

اطعمتهم من خيرك وطمعامك

وامريكا لما قامت تحارب

الشمال والجنوب الكل يحارب

القطن راح لهم من ولادك