ولا يا ولا
ولا يا ولا يا لله اتباعت
يا لله خلاص باين عليها داخت
كتر الشوايل والشنط والحاجات
لم الفلوس وبيع الشركات
والمصانع سرحوا العمال بالألفات
كتروا القهاوي علشان المزاجات
ووزعوا الكيف علشان الدمغات
وانشروا العري في كل القنوات
واقفلوا قنوات الدين والهدايات
ها ترجعنا لعصر ست فتكات
أما تطخ المشوار بلا مواصلات
والغني عنده كام عربية كاروات
كارو و كارو وحصان للمقامات
ولا يا لا بيع حتى الزراعات
ابني عليها طوب علشان العمولات
واستورد القمح وكتر العمولات
ليه تتعب الفلاح اللي مات
أو هجر الأرض بيعها علشان العمولات
ده مش ذنبه ده ذنب البهوات
عمله بنوك والديون ف ازدياد
حول الأرض لمباني وكتر الصناعات
وبعدين بكره بيعها أرخص من البنايات
ومالنا ومال البيئة كتر العرابيات
وابني مصانع اسمنت للمزاجات
ومين ها يشم قرف ويشم غازات
غير الفقرا اللي عالة ع البهوات
ومين يستفيد بالبيع غير البهوات
وانشر الشفافية لزوم الدعوات
والغي الفساد من الصحف والمجلات
وادعي للمحاسيب أصحاب الحكومات
وسلم ع الدنيا وأم الحضارات
