كلنا اتبهدلنا
كلنا سرنا ورا البهوات
كلنا وراهم بقينا أسطوات
كلنا شجعناهم وقلنا هات
اللي يفيض من يدك هات
وغنينا وياهم للزعيم ف الأغنيات
وما حبناهم ولا حيناهم بالإشارات
ولما وقعوا حيسناهم ف الزنزانات
وبنحاسبهم وحنحاسبهم مش بالكلمات
واحنا اتغيرنا والا الزمن فات
لسة بنعلي الحرامي وقاعدين ف حوارات
والميدان اتملى بالأغاني والشعارات
ومصر راحة للنيل من غير عبَارات
ها تغرق أكيد وولادها ف المظاهرات
والعقلا قاعدين يصرخوا بالأهات
والفلوس بتنصرف بطلوا شعارات
اشتغلوا انتجوا دوروا المكانات
علشان مصر ترجع وتعلي الرايات
والا ناويين تسيبوها تغرق مع اللي مات
سؤال نفسي اسأله اتغيرنا مع الشعارات
يعني اللي نفسه ف حاجة زي البهوات
يعملها ولا يهمه البلد والناس اللي ف الحارات
يعيشوا يموتوا المهم يبقى م البهوات
يروح الطابونة ياخد عيش بالميات
علشان يأكل لا مؤاخذة والناس للمات
واللي عارف الفران يعدي من الطابور قوام
والعيش يطلع له مخصوص وتمام
No comments:
Post a Comment