ها كتب لك

ها كتب لك ميت جواب وميت مرسال


علشان تعرفي ان حبي حقيقي مش بطال


ها كتب واقول انك قبلة المشتاق


وانت مدرسة يتعلم فيك العشاق


فيك يتعلموا التضحية بالكلام والأفعال


سافروا قريب وبعيد قطعوا بالمشوار


علشان يلاقوا زيك ويضربوا الأمثال


لا قوك انت الأولى وزينة الموال


الليل معاك يمر في ثواني ولا الأحلام


ونهارك ابيض مش طويل ولا بطال


ده انت عروسة وحلم كل الشبان


بس شاوري ها تلاقي كتير أبطال


ما يخافوا غير ربهم ويدفعوا العدوان


صدورهم عريانة قلوبهم صحيانة شجعان


اتكلمي كلهم يسمعوا الحِكم ويسمعوا الكلام


اتكلمي ده صوتك شفا لكل مريض عيان


اتكلمي حسسيني انك صاحية وعينيك تمام


شايفة الكل جاي يحيي ويعليك ويقدمك قدام


والشبان حالفين يرجعوك قوية زي زمان