ست بهانة جالت لولدها

ست بهانة جالت لولدها

إزاي يا ولدي تعمل إكده

انت نسبت أصلنا

سافرت بلاد برة

وما بجيت مننا

لبست البرنيطة

وجلعت عمتنا

اللي عرفانا من زمن

ولبست الشٌرط

وجلعت الجلابية

اللي حامبة جسمنا

من الشمس الحامية

والناظرة الدامية

وبينت افخادك

زي الأفرنجية

اللي مش مننا

ولبست البرنيطة

زي ولاد أمريكا
طب هو مكار
بخبي راسه جوه
علشان يختار بذمة
مين المرة الجاية
ها تحتلها بلاده

وعلجت سلسلة

زي بنت الخواجة

متى اللي ف حينا

طب ها أجولك جوالة

هم أحسن والا إحنا

يا ولا إحنا

جول لهم يبجوا

يلبسوا زينا

عمة وجلابية

والعصاية باينة

ها يعملوا زينا

ومدت ايديها

رجع عنها

قامت بعافيتها

شدتها بقوتها

ابنها قالها

ها تقطعيها يا امه

قالت وريني

معاج جرآنا

يحمبك ربنا

ده منزل م السما

اكيد يحفظنا

ده الحافظ ربنا

وريني ياولدي

وفتحت السلسلة

شاهقتها للسما

"واحدة عريانة

والله فضحتنا

ونسيت كيداهم

بنت عمنا

والا ست أبوها

ست حينا

بنت عمدتنا

والا بخاطرها

والفاتحة اللي جرناها

تبجوا لبعضجو

م اللفة كنتوا

"حبيت "جوانا

"ولا  "ديانا

اللي عريانة

ونسيت رينا

وامره ف كتابه

نغض ابصارنا

ونحفظ فرجنا

أوعى ياكبدي

عملت مصيبة

واتجوزت واحدة

بيترطن الافرانكا

وتمشي عريانة

وتتشمس عريانة

تبجي الداهية

وشبانا أعصابه

تقوم عاركة

وهي ولا دريانة

والا اوعى ياولا

تكون ياولا

عملت الخطية

ولا مؤاخذة غاوتك

البت داهيه

ولو كنت ده

ها أجوم بالسحر

وادعي ربنا

يا يطهرك يا يخدك

وأصلي الفجرية

وأجول ورا

المؤذن أبو بهية

يتوب عليه ياتهده

اعوذ بالله

لو عملت كده

الست عندنا

أيامنا وايام جدنا

ما تبان ولا لحلالها

وخالك أبو فرغل

طلج حرمه

لما خرجت م الحمام

وكتفها بان

على حريم زيها

أصله حرام

خلخالها يبان

على أبو ولادها

وأوعاك ياولا

نسيت أكلنا

نسيت الويكا

وعيش شمسنا

وأكلت الباتون ساليه

ونسيت جرص العجة

ونسيت الملوخية بالأنارب
بتتعمل لحبايب
وانت أحلى الحبايب
وأكلت الأومليت

واوعاك دينك

ولا جرآنك

كت حفظه

زي إسمك

عارف الخواجة

حنا جنبنا

وزع حلاوة

ع المدرسة جنبنا

وجال ليهم من يسوع

ربنا

هاج المسلمين

والعمدة م المحتارين

عليه نادى

وجال له بجالكم كام سنة

ما عملتم كده

ولا عملنا كده

يابني إحنا أبجالك

من بلاد متوحشة

لو احتلوا أرضنا

ها يعملوكم أوحش مننا

أصلنا عندهم عرب

وامتنا متخلفة

بكى ونزلت بالدمعة  

وراها ميت دمعة

وحب على راسنا كلنا

قوم يا للا يا ولدي

صلي لربنا

وادعي يحفظ شبانا

من البات المتفرنجة

اللي عاوزيين ينسوهم

دينا وحجنا

بأفلام عريانة

ولهو مش من هنا

ملحوظة "ج"هي ال"ق" في بعض مدن الصعيد

أو تعلم

أو تعلم

أو تعلم ما العصفور

ذاك الذي وقع يدور

فظننا أن به داء

فأقبعناه في الدار

ومر اليوم وأنا أعالجه

وأخي طبيب وعلمه قدر

لكنه لم يبن عليه سر

فقرر أن يبقيه لفجر

ونمنا وتركناه بدار حر

لأنه مريض كما راي ببصر

فلما صحونا لصلاة فجر

ما رأيناه فظنناه فر

لكن أتت زوجة الأخ

تولول فينا وهي تصرخ

خاتمها الغالي الدر

غير موجود ولا أثر

وهو أثير لأنه أثر

من أمها الخير

فقلنا لعله وقع

أو نسيته في مكان أخر

وكنت أتحدث لضابط أخر

 عن الخاتم وغلو الثمن

كما إنه أثير من خير

ووصفته وصفا لا يفر

ملمحا أو يغفل ما صغر

وبعد برهة طلبني مُصِر

أن آتي إلى المغفر وأمر

على مكتبه حتى يريني أمر

ولا أنتظر ثانية لأرى أمر

فأسرعت فوجدته مبتسما

قائلا هل تعلم ما هذا ألأمر

جعلني أطلبك على عجل

فهذا خذه وحقق منه وانظر

فلما أخذته صرخت بسر

ها هو الخاتم الذي بخر

قال فإنا آتيناه من محل

لصاحب جواهر يبيعها ويضر

صاحبها لأنه يتعامل مع اللص

أو تري أخي من اللص

قلت لا قل لي الخبر

قال اللص هو الطير

الذي أتى وادعى الضر

يتمارض ويبين انه وصل

لموته فيبقيه الناس حر

فلما ينام الناس يمر

فلما يرى شيئا غاليا من جوهر

يحمله لصاحبه بمنقار خبر

فقد تعلم الغالي من الجوهر

وقد تعلم الثمين من الأصفر

فقلت أواه لو مشمش حضر

لمنع ذاك اللص الأمهر

ومشمشه قط ينام لفجر

وطول نهاره لهو بلا قدر

ولا يطارد هوام ولا فأر

 

نشج نششجي وثوريته

نشج نششجي باع بلده

ف مليونية مش من عنده

عشان يبان والكل ينده له

يظهر تمام ف قناة تعظم له

مش عظموا القتله وبقوا حكما

يشاوروهم ف الدستور ودياوله

كأن القتيل كان حتة  فرخة

مش بني آدم ووجهة نظره

تتناقش

مش أعمل قاضى واحكم له

بالقتل يتنفذ الحكم من فوره

كان ريس وله أخطاء من عنده

 مش نبي ولا ولي بس نقول له

غلط

 نموتك ونريح الشعب منه

ويسألوهم عن شرعية الثائر وحالته

طب ليه هم كانوا ثوار برضه

ها يقولك آه مش قتلوه برضه

شوف أخرونا كم سنة بقتله

وحكمنا واحد الله يديله على قده

نيته ما كانت خالصة لبلده

نشج نششجي باع بلده

دي مليونية الثورة نفتكره

ودي مليونية الشهيد وحقه

ودي مليونية عم الثائر وخالته

ودي مليونية وزة الثائر ونشاطره

احزانه وندور معاه ع اللي سرقه

يالله سوي ننده على وزته ونقوله

كاك كاك كاك كاك 

ودي مليونية علشان فلان وبطنه

جالها مغص ولازم نعالجه

ها نجبله أحلى دكتور ونندهله

وإن ما جاش يبقى م الفلول ونقفله

عيادته وعلى بره نشحن له

حاجاته وابقى نسلم له

ع المترو لو مشي على عجله
اصله مش هايرجع على حده
هايلاقي مين اللي يزوقه
ولا كهربا تدور عجله
طول ما البلد قاعده بره
واللي ناوي يدفع ماله
ف مشاريع انما قواله
قال دول ما لهمش شغلانة
الا المظاهرة ودياوله

   

سأبني قواعد المجد

سأبني قواعد المجد وحدي

وأرفع هامتي أعلى ورأسي

عبرنا الهزيمة وعبرنا ظلم تعدى

على الحريات ونشر خنوعا وأبدى

انه للحق متبعا وهو للحق أهوى

أتى العباد من كل حدب تبدى

ليحيلوا الظلم إلى سجن أبدى

وما سقط الظلم إلا بعد أن فدى

الحق شبابا والناس خَلق تهوى

أن ترى الحق علمه  أعلى

*******************

سأبني قواعد المجد وحدي

وأعيد لأرضي عِلم يهدي

وأبني الشورى لا مثيل إلا عندي

وحكم لا على الهوى بل المجتبى

وهدي النبي العدنان ذاك ما أعني

ويكون الخير وافرا سابغا يجري

ولا يقل لرعايته بعلم ودين يهدي

سأبني فواعد المجد وحدي

وأعلي راية العلم لفوق اعني

والخير سيكثر ويفيض من ارضي

والنيل سيعود أكثر يجري ويروي

ويأتي السائحون ليروا عظمة تعني

بالإنسان قيمة وخلفا لا مالا يجبى

أطعمت وكسوت وقت المجاعة غيري

فغدا العالم من كل صوب يحني

هامته لعظيمة خلقها الله تهدي

هي كذلك من قدم حتى آخر يوم

والعلم تنشره نشرا بلا كد

لمن أراد العلم أتى ونهل وجد

وصار من أهل علم مشهور بحد

من أراد العلم حط رحله ومد

أو أنفق  إلا لرحلة من بعد ليجد

العلم مباح لمن أراد المجد

والقوة عرفت من تاريخ كتب

بنيتها عظيمة كعظمة خلدي

وسطرت للتاريخ جيش أقوى

لا ينشر الظلم على الغير يهوي

ما أراد إلا الحق يرفعه ويعلي

رايته خفاقة فوق البصر يشفي

صدور المظلومين من ظلم يهوي

عنان الحق ويحتل ارضا وينفي

أهله بعيدا لأنه للباطل يعني

سأبني قواعد المجد وحدي

وسيعود التاريخ يكتب عني

وترفع الرايات أعلى وأعلى

وسيهوي الظلم مدويا يهوي

وسأكون للمجد أختا يجبي

الظالمين من رقابهم ويهوي

بهم بعيدا وسيولون عني

والخير سيوسم بي وبأ رضي

وسينعم أهلي بكل نعمة عندي

سأبني قواعد المجد وحدي

  

  

من يحرق مصر

أمريكا شيكا بيكا

عملت ف مصر حريقة

علشان تفككها سيكة

وتتباع عند الروبابيكا

أصلها بقت أنتيكا

وياريت تتباع  ف امريكا

دول ها يبيعوها ميكا

متقطعة حتت يا ويكا

والحرية شعار أنتيكا

رفعاه الأولى أنتيكا

وتمثال مش ابدا ليك

إنما تمثال كدبة تلهيك

عشان يحتلوا أراضيك

وإنت ف الميدان وحديك

أو معاك إخوان حواليك

تسقط مصر تسقط حاكميك

تحكم انت انت ليك

ارض وشعب يهتفوا ليك

 بس الأرض لو بقت ليك

والشعب لو فضل حواليك

يبقى مهزوم وقليل بيك

وليه أمريكا ما تتبدي بيك

زي كتير ما خلتهم انتيكا

ها يكشفها يبقى يتحرق يا ويكا

وزي ما عملوا مع اللي قابليكا

ها يخلوك برضه فابريكا

وسلم ع الميدان بمزيكا

وسلام كبير على وطنيه ليك

مستورده من بلاد أمريكا

عشان تطبقها ف مصر وتخليك

زعيم وانت أونطة ف أهليك

وتعيش الوطنية اللي تحرق اهليك

وتقبض كم مليون من أعاديك

وتسرق حرية شعب كان معاليك

بتنادى  بيها من يناير واهاليك

خرجوا يهتفوا ضد ظالميك

خليك م الفرسان ونبل اهاليك

تبان وتنسحب ونبطل ياويكا

مظاهرة ف الميدان وكله مزيكا

وكدب وأونطة منك لباريك 

واحد عدى

واحد عدى

نفخ شنبه

مين قده

هي أمه

شايله همه

رافعه قدره

ما يدلع ليه

هو بقده

على رايته

رافع علمه

حافظ ارضه

ما طالب حقه

إلا بعد ما وطنه

عدل وضعه

رستأ نفسه

وماله عنده

قمحه ف أرضه

خيره بيده

عرقه على وشه

وحقه جاله

لحد عنده

خبط على بابه

وقاله أمه

وأم أصحابه

بتهاديه بقده

لما فتح عطيته

دمعه على خده

وقال ده عنده

قدري ف باله

هداني بأغلى

وأحلى وأعلى

والله لأعلي

رايته وأخلي

سيرته تعلى

أصل هو

وطني أغلى

أم الدنيا

مصر

تعالوا نرسمها

تعالوا نرسمها

تعالوا نكملها

تعالوا نلونها

ونعلي بسمتها

ونوري فرحتها

ونعلي ضحكتها

تملى كل الدنيا

تعالوا نخليها

أغلى أمانينا

تعالوا نوريها

هي كل عناوينا

وهي كل أحلامنا

وهي دي مستقبلنا

وهي حلم أولادنا

وحياة أحفادنا

هي اللي بتعلينا

وتخلي أمانينا

حقيقة نرويها

من عرق جبينا

تعالوا نشتغل

ونعيد العمل

ونخليه مع الأمل

دستور لأولادنا

وتعيشي يا بلادنا

يا أحلى أحلامنا

وأنضر وروودنا

يا أم دنيتنا

يا مصر يا أمنا