راضي
بقسمته
عايش
ما لوش وظيفة
إلا
في حتته
فراش
مدرسته
بس
عارف واجبه
ناحية
أمته
بالليل
سهران بيحرس
لغاية
ما النوم يلاعبه
يروح
لمخدته
قول
لي ده تقصير
ها
قولك قبل ما تثور
ما هو ده زمن الثوار
عمال
على بطال
واللي
ما لوش فيها
لازم
يبان فيها
علشان
يظهر ويبان
عايش
بالنهار
بعد
الفجر ما يبان
يروح
على مدرسته
يقعد
قدام الباب
يراقب
الأولاد
ويمنع
الحرامية
من
السرقة الغبية
ينفع
ده الكلام
عايش
بيسلي وقته
في
قراية الجرنان
حفظ
المرشحين
ومحتار
يختار مين
مش
علشان حلوين
وبرامجهم
تملى العين
علشان
الغش بان
وحطم
قلب الغلبان
وما
عجبوا الحال
لما
اتمنع فلان
ثار
لثورته
ولما
سمع المغاوير
سابين
التحرير
ورايحين
للعباسية
يوقعوا
الكفار
العسكر
وجيشنا
كره
فلان
وقال
ازاي يا أخونا
دول
ناس منا
ازاي
ينهار
جيشنا
المتين
ويتولوا
هم الحكم
والدم
يبقى أنهار
أصل
الشيخ فلان
هاينادي
بالولاية
لانه
يتبع مولانا
ويستشهد
بالقرآن
وكلام
النبي العدنان
وقول
الشيخ ابن فلان
ويطلع
واحد تاني
يستشهد
بالقرآن
والتالت
.... للآخر
والقتل
عمال
اصل
اللي مش يبايعنا
يبقى م الكفار
يبقى م الكفار
أو يبقى
تبع الشيخ التاني
ويصير
القتل حلال
هو
انت ولي يا مولانا
والا
نزلك رسالة
من
عند الرحمن
..........................
اخرتها
ايه يا اخوانا
مصر
ها تفلس وتتباع
مش
اولى هو
لو
زي ما بيقول هو
ان
النية من جوة
رفع
مصر الغالية
يعمل
زي النية
والا
الصحابة الأبرار
والا
يسكت أحلى
ويشتغل
لنفسه
الناس
مش طايقه الأخبار
عايش
حلف بالقرآن
وحياة
النبي العدنان
لو
معاه قد الماهية
مية
ماهية تانية
لهاجر
من المحروسة
ولجأ
لبلد تانية
وبكى
على أم الدنيا
هي
رايحة على فين
No comments:
Post a Comment