ارجعي
ارجعي لعهدك تاني
ارجعي وحققي الأماني
والباطل ازهقي
ارجعي وعلي رياتك
ومن الآثام اطهري
عمرة لتوبة اعملي
وافعدي ف البيت وحجي
وع الظالم هناك ادعي
اللي كان عاوز يوفعك
ارجعي واوعي تبكي
احسن دمعك أغلى عندي
من كل الحياة وكل دمي
دي الدمعة من عينك توجعني
دي الدمعة من عينك تإلمني
وإن بكيتي ها أعمل إيه أنا
يا لله قومي اتوضي
وشدي الخطا شدي
والمداخن علي وعلي
خليها توصل للسما
والمزارع رجيعها خضرة
خلي البلابل فيها تشجي
وتغني أغاني حلوة
ألحانها تنفع غنوة
تتغنى طول السنة
والهدهد يرجع يزين
وابو فردان يجي يعاين
الدودة ويهدها
والحرامية يخلق ليهم زيه
ينضف أرضها
يا لله يا أولاد إيدينا
ف ايدين بعض نخليها
جنة ربنا
والله يا لله نخليها
زي الحرامية ما عايزينها
تركع على رجلها
وتتباع اسيرة وجارية
وتبقى عند العدى محظية
ده برضه حظها
قوموا يا لله قوموا
وما حدش يقول أنا
او على قد فلوسكم ها اديكم
ده كلام مات وانقضى
No comments:
Post a Comment