ثورة للأبد
عدالة وحرية
ووحدة وطنية
وكمان اتحادية
عايزنها أبدية
ونضيفة وقوية
ومعاها الشفافية
مش الخيبة القوية
وناس يحكمونا
بحب وإنسانية
ثورة تقول لا
للظلم لما يعلا
وتقول ألف نعم
للحق لما يبدأ
وترفع ألف علم
وتبني هرم وهرم
علشان أم الهرم
دي لوحدها امة
وزعيمة ليها همة
ورأيها ماضي
وعلمها ف القمة
دي عمرها ما ضلت
او مع اللي تاهوا مشيت
دي عمرها ما اتنست
من يومها هي الأمة
وزعيمة ليها كلمة
ثورة تعلم الأمم
احنا أهل الهرم
وحضارة تحترم
الأنسان وحقه
في بيته وأهله
مين اللي حط النظم
واللي علم وانتظم
وجيشه كان كبير
ونوره يشع ع الأمم
واللي بدأ يعلم
الحجر إزاي يكلم
والمركب تعوم وتمشي
وتنقل الخير للأمم
واللي بدد الظلام
وعمل أول سلام
مش هي أم الأمم
مصر أمنا
نحميها كلنا
نفديها بدمنا
ونيلنا ده جدنا
وبنته هي أمنا
لازم يبقوا مننا
No comments:
Post a Comment