لما أمشي سواح وسط الغيطان
اشوف الورد منطفي والزهر زعلان
مقفل مش راضي يفتح والبلبل حزنان
يشجي بالحزن والناي برضه زعلان
يعزف لحن الزعل والدمع حيران
وحبيبه تحت الشجر غضبان م االي كان
واللي جاي اخرته إيه يا أيام
لما نلم الأسى ونجمعه ف شوايل وخلجان
لما نلم الخبر ونجمعه ف نشرة وأخبار
لما نعد اللي انسرق من مصر بالقنطار
مش كان يخلينا أغنيا طول الزمان
ولا يحوجنا لمد الإيد للي يبيع الأوهام
منحة ووراها ميت طلب واحتلال كمان
والجياع كتروا مين يرجع الأحلام
No comments:
Post a Comment