موت الزعيم

موت الزعيم عبد الناصر كان فاجعة وقد ساهم في حل كثير من المشاكل منها مشكلة الأردن مع المقاومة

وقف العباد في النواصي

وقفت الندابة بتناحي

والحزن باين الحزن باصص

والواد اللي كان ماشي

الواد أهه شايفه مش ناسي

صرخ ده أبويا ده طل ناسي

كان بيفكر لنا لما بنعاني

ويحل مشاكلنا لما بنآسي

دلوقت مين ها يقف ويخطب

مين يقول للعدا أوعى تضرب

ها تنضرب وتبقى إنت المطلب

صحيح إنجازاته كانت كبيرة

وبرضه عيوبه بس مش كتيرة

بس كان بالأمل باصص

جالنا في وقت اللي كان

الاستعمار راقد ف القنال

وعلى قلبنا وكان علينا يحتال

صرخ وقال يا للا إطلع بره

إطلع ومصر تبقى حرة

حرر حاجات وصناعات مرة

وصرخ وقال ارفع راسك أعلى

أرفع راسك بقت مصر حرة

أهه الحزن جه لما سمعنا الحسرة

هزيمة جت على رؤوسنا ووكسة

مين السبب اللي عمل النكسة

بس قوم يا مارد أصرخ صرخة

واهه رد الأمل والشعب عرفه

عرف ان الوطن للزعيم جاوبه

جت حصلت بين الأخوة عركة

الأردن والمقاومة والبطل لازمه

يرتاح شويه م المرض وأزمة

جاتله م الهم والتعب لازمه

عيان لازم يقعد لوحده

لكنه زعيم وإسرائيل واقفة

وأمريكا تهدد سوريا رخرة

صرخ ف أمريكا وحذر ألف مرة

لو دخل جندي بلد عربي 

ها تبقى عركة والجيوش جاهزة

وجيشنا كل العرب والأمة حرة

ومش ها ننهزم وزأر الأسد زأره

وجمع العرب يا اخونا المشكلة أكبر

ليه دمانا تسيل ونفترق مرة

ليه إسرائيل ترمي الفتيل وتبقى فتنة

ليه العقل ما يسود والأمه ترجع واحدة

اتحلت الأزمة وودع أخر أمير لدولة

ودعه أخر وداع وأخر مرة

وقال سلام دلوقتي أرتاح مرة

ومات الزعيم زعيم دولة حرة