عم سيد فلاح
فلاح بس مرتاح
أجرته في ايده ناضحة
وجلابيته فيها كام رقعة
واللحمة بتيجي بالعافية
ومراته الست شافية
مراعية داره مراعية
جاب في يوم لحمة
بالتمام كيلو لحمة
عشان ياكل ويتهنى
وقال يا حرمنا اللحمة
دي اطبخيها طبخة
خرج وراح لغيطه
وراح الغيط وحلمه
يشم وياكل حتة لحمة
تنه يشتغل بعزمه
لغاية مالضهر ادن
خطفه ف الزاوية بسرعة
وراح البيت وحلمه قبله
دخل على حرمه بسرعة
وقال لها هاتي الطبخة
ناكل ونرم العضمة
قالت أنا مكسوفة
القط اكل اللحمة
قال لها كيلو اللحمة
تعالي نوزنه
طلع وزنه مش هو
الأفندي اللي اكله
قالت له بتكدبني
ها الم خلاجتي وأمشي
راحت على بيت اخوها
وهو اتغدى ارديحي
وأخر النهار رجع بيته
لقى البيت ضلمه
نور اللمبة نمرة خمسة
وطاها كتير وشوية
وعمل شاي وصبه
وخد منه شفطه
لقى طعمه مش هو
ما هو حبيبته مش جنبه
جري على دار أخوها
ومعاه كام واحد كبارا
وعمال يقنع في أخينا
وأخوها يدافع عن اخته
ويقول عينيها مش فارغة
وما أنتش عارف مقدارها
ولما تقدر تعرف مقدارها
أبقى تعالى وكلمنا
خرج عمنا زعلان
شاب وحبيبه غاب
خرج م الدار لوحده
سمع أسمه في ودنه
أتهيأ له انه بيحلم
سمع الندا على إسمه
باص تاني وراه
والدنيا كانت ضالمه
الصوت فوق قاله
لقاها مراته حبيبته
قالت له اتلقاني
ونطت كلها عليه
ضمها حتة ضمه
كأنها مية سنة غايبة
ومن خشمها بسها بوسة
ولا حتى بتوع السيما
حا تقول فعل فاضح
هاقول لك النور شاحح
No comments:
Post a Comment